Lángbesti dreingurinn í dalnum.

Gleðilegt ár!

2008-12-31T21:25:00.000+01:00

Gleðileg Jól!

2008-12-24T16:35:00.001+01:00

What´s the rush?

2008-12-23T22:41:00.004+01:00

Þvílíkt sjokk að rölta niður í miðbæ Köben að kvöldi Þorláksmessu. Okkur var farið að hlakka til að rölta niður á strik og slappa af inná veitingahúsum meðan fólk þeystist um að kaupa síðustu gjafirnar.

Það var hins vegar búið að loka næstum öllum búðum á strikinu. Ótrúlegt! Hvar er jólaæsingurinn hjá Dönunum? Veit alls ekki hvað mér finnst um þetta?

Bögg

2008-12-20T16:51:00.000+01:00

Flís í stórutá. Frábært!

He´s always taken interest

2008-12-20T00:24:00.004+01:00

Það er vissulega undarlegt að vera ekki á leiðinni á þessum tíma ársins í fyrsta sinn síðan árið 2000. Sjonni benti á að það myndi vanta ákveðinn póst í jólaundirbúninginn að fara ekki á flugvöllinn að sækja mig. Og það er nokkuð til í því. En eins gott og það er að koma heim, þá er ég farinn að hlakka til 13 daga í lestri heima. Alveg ágætt.

Annars. Er að spá í að hafa svona end-of-the-year-pistil ef ég kem mér í það í næstu viku.

Einhver til í að bjóða í hvort maður hefur það af í tíma?

It ain´t easy being green

2008-12-04T19:03:00.002+01:00

Ekki vissi ég fyrr en í gær að New Yardbirds sem seinna urðu að Led Zeppelin spiluðu í fyrsta sinn opinberlega í Gladsaxe í Danmörku. Þetta fróleikskorn er úr bókinni When Giants Walked the Earth, sem ég var að byrja á í gær.

Kláraði ævisögu Einsteins í gær. Fín bók sem ég er búinn að eiga við síðan í heimferðinni frá Atlanta. Fannst hún að skýra ágætlega út afstæðiskenningarnar á mannamáli. Fékk mig einnig til að kíkja í eðlisfræðibækurnar til að reyna að skilja betur skammtafræðina. Ég komst reyndar fljótt yfir það, og snéri mér að því að horfa á Prúðuleikarana.

Það held ég nú.

uuuugggghhhh

2008-11-18T21:57:00.002+01:00

Ég er afskaplega mikið á móti því að vakna upp með óþolandi Títanic lagið á heilanum. Hvaða rugl er þetta? Má ég biðja um eitthvað almennilegt á heilann ef maður er á annað borða að vakna hálf-raulandi.

Við vorum annars á Aimee Mann tónleikum í síðustu viku. Ron Sexsmith á föstudaginn, og Elton John eftir viku. Afbragð!

Four to the floor

2008-10-10T15:00:00.003+02:00

Svona aðeins til að vera með í svartsýninni í fjármálunum: Mismunandi gengi íslensku krónunnar eftir því hvort Seðlabanki Íslands eða Danmarks Nationalbank sitja fyrir svörum.

Gengið hjá SÍ: DKK 20,116

Gengið hjá DN: ISK 2,442 (fyrir 100 ISK).

Talnaglöggt fólk sér að þarna munar allnokkru.

Bætti loksins við nokkrum myndum. Það var ekki nema ár síðan þær síðustu voru settar inn.

Just give me that beat

2008-09-27T20:34:00.002+02:00

Hong Kong: Nice.

Og maður lifandi, fjandi fengum við góða steik á Ruth´s Chris Steak house. Úfff.... Enn að jafna mig.

Annars tók ég saman tímana sem við unnum síðan á föstudaginn, og það verður ekki rætt aftur. Eins gott að maður fær vel borgað fyrir yfirvinnu.... Úbbssss, mín mistök.

Hlakka til að koma heim. Frí eftir hálfan mánuð! Jibbí.

I am sailing

2008-09-19T11:07:00.002+02:00

Tuttugu-og-þriggja tíma ferð frá Köben til Munchen til Hong Kong til Dongguan að baki. Frábært alveg hreint að sitja í flugvélinni í Munchen í 2 tíma að bíða eftir að eitthvað væri lagað í rellunni. Náði reyndar að vinna vel á bókinni sem ég var með, annars hefði líklega verið farið látið á sjá á langlundargeðinu.

Magnað að maður nennir varla orðið að blogga nema í ferðalögunum.

Golden Gridiron Boy

2008-09-07T15:57:00.002+02:00

Það lítur út fyrir að nóvember verði fínn tónleikamánuður. Elton John í lok mánaðarins. Var að kaupa miða á Ron Sexsmith í litla Vega. Rúsínan í pylsuendanum verður svo Randy Newman þann 16. nóvember í Konunglega leikhúsinu. Eins gott að ná í miða.

Það verður svo enn einn Kína-túrinn í næstu viku. Sem betur fer verður það sá síðasti í bráð. Planið er svo að taka 2 daga í Hong Kong í lok túrsins. Líst ágætlega á það. Ég flaug frá Hong Kong síðast þegar ég var að koma frá Dongguan, og mér líst vel á að skoða þá borg aðeins betur.

Aiiiii

2008-08-08T23:48:00.001+02:00

Nokkrir góðir hlekkir.

Ali G og Beckham hjónin alltaf gott grín.

Vedurfrædi

2008-08-07T16:50:00.001+02:00

Jæja.

Allrighty then.

I´m an idiot

2008-07-26T19:07:00.002+02:00

Ó man.

Frábært að ruglast á brottfarartíma flugs.

Sérstaklega þegar flugið er frá Kína.

Urrrrrr.....

Flugið átti að fara rétt fyrir tíu í morgun, en vegna misskilnings mætti ég á völlinn uppúr eitt. Það er ekki alveg laust við að það hafi verið blótað all-hressilega þegar ég áttaði mig mistökunum.

Fínt, frábært, alveg yndislegt.

Borðið þér orma, Frú Norma?

2008-07-25T12:57:00.003+02:00

Ah... Vinnuvikan búin. Þetta er búin að vera fín ferð. Reyndar alveg fáránlega heitt úti. En þegar maður er aðeins úti rétt á morgnana og örstutt á kvöldin á leið í og úr vinnu, þá sleppur þetta.

Reyndar ætlaði ég að skella mér í golf í dag, en bæði lenti ég í að taka power-nap þegar ég kom heim (sem varð svo meira power-svefn-í-3-tíma), og svo var ég víst aðeins of seinn að panta tíma. Ég hugsa að ég taki golfskónna með mér næst og spili hér.

Ég verð að segja að maturinn hér hefur verið mun betri en ég þorði að vona. Ég var búinn að heyra þvílíkar sögur, en þetta er búið að vera fínt. Við fórum út að borða í gærkvöldi á einhvern þvílíkt fínan stað. Þessa kvölds var helst eftirminnilegt fyrir að maður fékk marineraða marglyttu og djúpsteikta orma. Jú, og svitalyktinni af einni þjónuststúlkunni. Dómurinn: Marglyttan: Nja...Ekkert spes. Ormarnir: Fínir, ágætis snakk. Svitalyktin: Oj....

Einn kollegi minn frá Beijing hafði á orði að þetta svæði væri þekkt fyrir að hér væri allt étið. Allt, spurði ég. Hann hugsaði sig um í smá stund og svaraði svo alvarlega að nei, þeir borðuðu ekki menn.

Okei, then...

Ferðapunktar.

2008-07-20T14:39:00.002+02:00

- Þvílíkur fjöldi fólks á flugvellinum í Helsinki. Hvaða vitleysa er þetta???
- Rússland. Ertu að kynda mig? Gjörsamlega endalaus.
- Ein myndin í fluginu var með K. Reeves og þvílíkur leiksigur. Húrra!
- Flaug með Finnair, og var farið að hálfleiðast eftir helming flugsins.
- Ákvað því að prófa gervihnattasímann í sætinu mínu. Svínvirkaði.
- Sá einhverja heimildamynd um OL og Beijing.
- Þar kom fyrir setningin: "Severly polluted skieds are now rare over Beijing".
- OK, þá segjum við það. Það hefur þá orðið breyting á síðan í júní.
- Trúi því mátulega.
- Er á Sheraton hótelinu hér í Dongguan.
- Besta hótelherbergi sem ég hef verið á hingað til.
- Týndi næstum sjálfum mér á baðherberginu.

Makes the that much smarter

2008-07-18T22:13:00.001+02:00

Meiriháttar vinnuvika næstum að baki. Og ferð til Dongguan á morgun.

Veðurspáin fyrir vikuna er 30-35 gráður, ríflega 70% raki og þrumuveður.

Jæks.

Fússboll

2008-07-11T08:40:00.002+02:00

Sepp Blatter hefur látið ýmislegt vitlaust fjúka í gegnum árin, en er þetta við að vera það vitlausasta?

Greyið Ronaldo... Meiri þrællinn.

I am a mountain

2008-07-09T10:40:00.003+02:00

Afmæli hjá Hilmari á laugardaginn var.

Árni og Kolla í heimsókn. Voru á Roskilde.

Tónleikar með Bonnie Prince Billy í gær.

Lag kvöldsins The Worlds Greatest. Snilld.

Mér finnst...

2008-07-02T17:13:00.001+02:00

Að það eigi ekki að kalla svona morð "heiðursdráp". Eitthvað annað nafn færi mun betur.

You're twice as cold

2008-06-26T17:51:00.001+02:00

Rakst á þrjá ísbirni á beit við áttundu brautina á golfvellinum í gær.

Meeee.

Meðan ég man...

2008-06-19T08:18:00.001+02:00

Íslandsför í kveld. Stopp. Verð að megninu til fyrir norðan. Stopp.

Gleðilega þjóðhátíð!

2008-06-17T13:40:00.001+02:00

Að sjálfsögðu rigndi í Köben í morgun. Nema hvað...

2008-06-03T17:22:00.000+02:00

I must say it was a bad day.

These boots are made for walking

2008-06-03T00:24:00.004+02:00

Kannski að maður sé virkilega að verða "Oldster".

Byrjaði vikuna á að gleyma poka í leigubílnum sem ég tók í vinnuna. Það var svosem ekki mikill fjárhagslegur skaði, en í pokanum voru ESD-inniskórnir mínir. Þetta varð til að maður var alveg þvílíkt sáttur í upphafi vinnudags. Halelújaogháarjúdúing-sáttur.

Nema, að ég minnist svo á þetta við einn kínverskann kollega minn. Og sá hinn sami gekk í málið. Fékk kvittunina frá túrnum og hringdi svo nokkur símtöl. Og skóna á ég að fá færða á hótelið í morgunsárið í fyrramálið.

Get ekki sagt að ég hafi átt von á þessari lendingu.

Sail on round the bend

2008-06-01T15:31:00.002+02:00

Kominn til Kína. Svosem ekkert meirihátta spenntur fyrir að hanga hér í 12 daga.

Hins vegar komst ég í þokkalegasta skap þegar ég steig á rúllustigann og sá þar viðvörunarskilti sem á stóð: "Watch out for child and oldster". Umm....Okei.

Ah, það þarf lítið til að gleðja vesælann.

I want to ride my...

2008-05-25T01:16:00.003+02:00

Það er ljótt að segja frá því, en ég er spenntari yfir Judge Dredd en Eurovison. Það er svosem spurning um hvort að þetta sé á svipuðu stigi. Nei, Judge Dredd er skárri.

Það var annars góður dagur í dag, þannig að maður vitni í Ice Cube. Við Elín röltum út og ætluðum að kíkja í hjólabúðir að finna hjól. Hennar hjól á síðustu metrunum og mitt ónýtt. Við vorum með stór plön um að kíkja í 3-4 búðir. Oh, well, við fórum í hjólabúðina í blokkinni okkar, og enduðum á að kaupa hjól þar. Dýr dagur. En við fengum fjandi fín hjól, gott mál.

Diggílúdiggilei...

2008-05-24T23:29:00.002+02:00

Æi, ég veit ekki með Júróvisjón-dæmið. Maður er búinn að sitja og horfa á þetta með öðru auganu, en þetta er svosem ekki músík sem ég myndi kaupa dýrum dómum.

Fannst hins vegar ágætt að Ísland hafi komist uppúr forkeppninni.

Red Right Hand

2008-05-20T15:48:00.002+02:00

Við smelltum okkur á tónleika með Nick Cave í gærkvöldi. Gott rokk. Kallinn spilaði 25 lög. Ætlaði aldrei að hætta.

Maður kvöldsins var þó algjörlega Warren Ellis, fiðlu- og gítarleikari bandsins. Langflottastur.

Mínuspunkt kvöldsins fær upphitunarbandið. Svít lord!!! Nú veit ég hvernig músík hljómar frá einhverjum sem á mikið af gítareffektum og ekkert eyra fyrir melódíu. Sjíííí.....

Sunshine Reagge

2008-05-08T12:05:00.003+02:00

Vita óþolandi veður.

Það held ég nú.

Lalalalalalallllaaaa

2008-05-04T21:45:00.002+02:00

Vorum á Íslandi um síðustu helgi. Reyndar óttaleg skotferð, en býsna gott að skreppa. Ég fór norður á laugardegi og kom aftur á sunnudeginum. Náði í afmælismáltíð hjá ömmu. Gott mál. Á leiðinni norður var reyndar sjóbylur á heiðinni. Minna gott.

Maður þakkar fyrir sig, og vonandi nær maður að hitta fleiri næst.

Svei mér þá ef sumarið er ekki við að koma í hús hér. Þvílík blíða, og fyrsta grill sumarsins í dag. Afmælisveisla hjá Bruno í gær, og garðveisla hjá Pétri og Snjólaugu í dag. Súper helgi.

These Mist-Covered Mountains

2008-04-20T00:23:00.003+02:00

Ég sat við tölvuna í dag á meðan ég var að horfa á Arsenal-Reading. Svosem ekki mikið í frásögur færandi, nema að ég sá að Mark Knopfler tónleikarnir áttu að eiga sér stað í kvöld. Ég var auðvitað búinn að reyna að fá miða á þá fyrir löngu, en án árangurs. Einhverra hluta vegna ákvað ég samt að kíkja á billetlugen, svona uppá von og óvon. Og viti menn: Við fengum miða!

Þannig að við fórum á tónleika með kappanum í kvöld. Og hann klikkaði ekki. Góð blanda af nýrra og eldra efni. Nýja efnið hef ég lítið hlustað á, en var mjög fín músík. Eldra efnið var hins vegar alveg frábært að heyra lifandi. Maður fékk nokkrum sinnum gæsahúð. Sérstaklega þegar Telegraph Road hljómaði. Og undir lokin þegar Going Home kvaddi gestina.

Lagalistinn:
Cannibals
Why Aye Man
What It Is
Sailing to philadelphia
True Love Will Never Fade
The Fish And The Bird
Hill Farmer's Blues
Romeo & Juliet
Sultans Of Swing
Marbletown
Postcards From Paraguay
Speedway At Nazareth
Telegraph Road

Aukalög:
Brothers In Arms
Our Shangri-La
So Far Away
Going Home

Fore!!!

2008-04-15T11:23:00.001+02:00

Jibbí. Golf í dag. Fyrsta golfkennslan í Nokia-golfklúbbnum.

Swwwiiingg!!!

look me in the eye

2008-04-10T13:15:00.002+02:00

Ég átta mig svo sem á því að það eru engar fréttir, en Mugison er þvílíkur snillingur. Batnar við hverja hlustun.

Hmmm.... Greyin.

till the morning light

2008-04-08T16:01:00.000+02:00

Ó svvít lord. Þvílíkir strengir! Þetta gerist þegar maður fer í körfu einu sinni á ári. Kíktí í gær, sem var ágætt. En er þvílíkt strengjóttur, sem er miður ágætt. Kannski spurning um að láta ekki líða ár að næsta skipti.

En svo byrjar golfkennslan í næstu viku. Jibbí.

Lagið á heilanum: 1973 með James Blunt.

Travellin' blog

2008-04-05T15:22:00.000+02:00

Remote blog a simanum. Tæknifrikin i manni filar thetta.

Reyndar vantar islensku stafina, but so what?

Like a thief in the night

2008-04-04T14:13:00.003+02:00

Hvað er með Dani sem segja: "I sink" þegar þeir reyna að segja "I think"?
(þetta mættir reyndar segja um Þjóðverja líka, en það er meira með z-du)
Hvað er með Svía sem segja: "port" þegar þeir reyna að segja "part"?
Hvað er með Íslendinga sem segja "vott" þegar þeir reyna að segja "what"?

Þar með líkur föstudagsfýlunni.

Lag dagsins er Harmasöngur Tarzans. Var á leiðinni í vinnuna í morgun þegar ég heyrði þetta frábæra lag. Eggert Þorleifs er þvílíkur snillingur.

PS: Súri leikurinn hjá KR í gær í körfunni. Ótrúlega slakt miðað við mannskap.

Keypti mér fyrstu seríuna af Family Guy. Fyrstu þættirnir lofa góðu.

Við stöndum saman...

2008-04-02T16:47:00.002+02:00

Fannst þetta frekar fyndið...

Hananú?

2008-04-02T10:20:00.002+02:00

Er það bara ég, eða er þessi fyrirsögn eitthvað undarleg?

And we´re keeping the dream alive

2008-03-25T16:40:00.002+01:00

Ótrúlega ljúfir páskar að baki. Maður hefur auðvitað stundum verið duglegur við letiköstin, en að þessu sinni voru þau afar fagmannleg. Átum þvílíkt af lambi, mmmm......Veisla.

Verra mál að tímabilið hjá Arsenal er að fara í hundana.

Talandi um það: Eruði að grínast með gengið á krónunni? Gú-gú!!!

Who´ll stop the rain?

2008-03-18T02:22:00.004+01:00

Ekki að ég sé að væla (mikið), en ó mæ god hvað loftið hér í Beijing er nastí í dag. Ég lýg ekki að mann verkjar í augu og háls.

Sveiattan. Og sem bónus verð ég extra dag í þessu fíneríi.

Borðuðum á Tíbetskum veitingastað í gær. (Segir maður Tíbetskum?) Frábær matur, og ótrúlega fyndin skemmtiatriði. Held reyndar að það hafi nú ekki verið meiningin að þetta væri fyndið, en svona gengur þetta...

Her majesty´s a pretty nice girl

2008-03-17T06:52:00.002+01:00

Maður lifandi hvað ég er í litlu verslunarstuði í þessari Kínaferð. Kíkti í bæinn í gær, og eftir fimm mínútur komst ég að því að ég nennti alls ekki að prútta við Kínverjana. Svosem ágætt þar sem síðustu túrar hingað hafa endað á að kosta mig stórfé.

Klikkaði reyndar líka á að kíkja á Múrinn þeirra. Enda sjálfsagt ekkert merkilegt. Jæja, maður reynir að skreppa þangað næst.

Flatley was here

2008-03-14T03:06:00.002+01:00

Er eitthvað meira pirrandi snemma morguns en leigubílstjóri sem tappdansar á bensíngjöfinni?

Sjálfsagt, en í morgun var maður í manndrápshugleiðingum á leið í vinnuna. Úff...

West of the Moon

2008-03-13T11:40:00.003+01:00

Maður venst aldrei umferðinni hér í Beijing, held ég. Hreint með ólíkindum mikil og bílstjórarnir þokkalega frakkir.

Annars byrjar ferðin þokkalega, til dæmis sást til sólar í gær. Sem er meira en að ég hef oftast getað sagt hér (vegna mengunarinnar).

Vonast svo til að geta skroppið í gönguferð á Kínamúrnum um helgina. Kominn tími á það.

where the ragged people go

2008-03-09T23:36:00.003+01:00

Skellti mér á Jumper í gær. Myndin stóð ekki undir þeim litlu væntingum sem ég gerði til hennar. Frekar óspennandi í alla staði.

Sá svo Arsenal spila við Wigan í dag. Mæ god! Þvílíkt slakur leikur. Langt síðan ég hef séð jafn margar feilsendingar hjá mínum mönnum í einum leik. Koma svo...

Fyrsti dagurinn í nýju vinnunni á morgun. Flýg svo til Kína á þriðjudagskvöld. Sem þýðir að það verður meiriháttar bögg að komast á bloggið meðan dvalið er í því ágæta ríki. Ó vell...

Been 'round and I'm wonderin' why

2008-03-07T13:11:00.002+01:00

Við smelltum okkur á tónleika með Stereophonics í gærkvöldi. Ég hafði svosem ekki heyrt mikið með þeim, en þótti þó nokkur lög býsna góð. Upphitunarbandið í gær var sveit sem kallar sig Hero, en mér þótti þeir lítið hetjulegir. Eins og ég sagði við Elínu, þá fannst mér þeir spila lög sem ég hefði getað samið. Og meinti það ekki sem hrós.

Um Stereophonics er ekki annað að segja en að þeir voru aldeilis frábærir. Þvílíkt rokk! Kraftur og góð melódía. Reyndar þekkti ég aðeins eitt lag, en það gerði skemmtunina ekki minni. Það lag var hins vegar hápunkur kvöldsins, frábær sóló útgáfa af Maybe Tomorrow.

Gott mál.

Got what no one else had

2008-02-28T08:59:00.003+01:00

"Candlelit Christmas dinner."

Sá þessa auglýsingu í strætó í morgun. Mér finnt þetta undarlegur tími ársins til að auglýsa svona.

Lag dagsins er án efa Gleðibankinn. Nuff said.

Step on my old size nines

2008-02-26T20:03:00.003+01:00

Á döfinni: Enn ein ferðin til Finnlands í næstu viku. Líklega þó sú síðasta í bili. (Eitthvað held ég að þessi setning eigi eftir að koma í bakið á mér...) Svo verður vikuferð til Kína fyrir páskana. Sú ferð verður partur af nýja starfinu, og verður þess vegna ágætlega spennandi. Að auki verð ég líklega þarna yfir helgi, Þannig að kannski maður hafi það loksins af að sjá eitthvað annað en verksmiðjuna og markaðina þarna. T.d. þennan múr þeirra. Það væri allt í lagi.

Jú, og tónleikar með Stereophonics í næstu viku. Aldeilis ágætt.

Byrja svo á fullu í nýju deildinni þann 1.apríl.

"Breaker 1-9"

2008-02-17T21:33:00.003+01:00

Við sáum Convoy í gær. Mig rámaði í að þessi mynd hafi þótt spennandi í denn. Það er víst óhætt að segja að hún hefur ekki haldið kúlinu. Og það meira að segja þótt að Kris leiki aðalhlutverkið.

I´m on a roll this time

2008-02-15T14:07:00.002+01:00

Ekkert svekkjandi að vera nýbúinn að þiggja nýtt starf, og fá svo póst nokkrum dögum seinna um annað starf sem maður var mun spenntari fyrir.

Ó jæja...

Rock the cashbah

2008-02-13T21:39:00.002+01:00

Er ekki nóg komið hjá dönsku blöðunum með þessar múhameðteikningar? Fínt að hafa tjáningarfrelsi, en maður hefði kannski vonast eftir örlítið hærri standard en einhverju sem leikskólakrakkar eru skammaðir fyrir. Sveiattann!

Burn, Baby Burn

2008-02-11T09:42:00.000+01:00

Og þetta er ein af ástæðunum fyrir því að maður á ekki bíl.

News travel fast

2008-02-11T01:32:00.000+01:00

Þolanlegur túr til Finnlands í síðustu viku. Hlutirnir rúlluðu þokkalega, og veðrið ekkert að fara illa með mann. Tókst líka að þiggja nýtt starf hjá fyrirtækinu í leiðinni. Ágætlega spennandi. Ekki ólíkt því sem ég er að gera í dag, en þó með smá tvisti.

Okkur var svo boðið í bollu-kaffi hjá Hilmari í dag. Gott mál.

Það held ég nú...

Have you heard the dogs at night?

2008-02-04T17:19:00.000+01:00

Ágætis helgi að baki.

Matur á LeLe og tónleikar með Mugison á laugardaginn. Frábær matur og súper tónleikar. Ég vissi satt að segja ekki alveg hverju maður átti von á frá Mugison, en hann og bandið rokkuðu feitt.

Superbowl fór svo fram í gær. Við sátum nokkur hér yfir KFC og snakki frammeftir morgni. Frábær leikur.

Finnland á morgun.

Gleðilegt ár!

2008-02-04T17:09:00.000+01:00

Frekar síðbúin kveðja, en vott ðe hekk.

Þakka líka fyrir öll jólakortin. Að vanda tókst mér ekki að senda kort þetta árið, en ég held í vonina að þetta sé árið sem að ég tek mig saman.

2007-12-24T14:10:00.000+01:00

Ég vona að þið eigið gleðileg jól.

Forward He Cried

2007-12-18T22:31:00.000+01:00

Ef ég á að segja alveg eins og er, þá finnst mér þetta óttalega súr tilraun til að blanda pólitík inní fótbolta.

Annars var mér hugsað til þegar ég ræddi við einn verkefnastjórann okkar um "leadership". Reyndar finnst mér þetta orð vera orðið leiðinda "buzzword", og sérstaklega í fjandans íþróttunum þar sem maður les varla málsgrein án þess að allir og frændur þeirra útnefni sig þvílíka leiðtoga. Þvílíkt húmbúkk, ef einhver spyr mig.

Það fyndna við þennan ágæta verkefnastjóra var, að hann er líklega einhver neikvæðasti maður sem ég hef kynnst, en samt var hann ekki til í að fallast á að stundum þyrfti maður hreinlega að láta fólk heyra það. Ég er allur fyrir "positive re-enforcement" og allt í þeim stílnum, en kannski er maður bara of skemmdur eftir blessaða Austur-evrópsku körfuboltaþjálfarana í denn. Hmmm....

Ísland annað kvöld. Það er ekki laust til að það sé kominn jólafílingur í mann. Síðasta vika var með erfiðara lagi. Eftir alveg súper helgi þar sem Sjonni og Begga voru hér í heimsóka tók við vinnuvika Satans í Salo. Brrrrr...

Lofa engu, en kannski að maður reyni að púsla saman pistli milli jóla og nýárs. Sjáum hvað setur.

Lag dagsins er Start with Me með Del Amitri.

Bækurnar á náttborðinu eru Anntenna Theory and Design og Planar Antennas for Wireless Communications. Athyglsvert að sjá hvort eitthvað fæst úr þeim.

Early in the Morning

2007-12-13T12:41:00.000+01:00

Mikið afskaplega er ég feginn að ég lét það eiga sig að fara á Næturklúbbinn í Salo með vinnufélögunum í gær.

Ég var í það minnsta gríðarlega mikið hressari en þeir í morgun.

Jú viff ðe sed æs

2007-11-28T22:41:00.000+01:00

Var að hlusta á músík á leiðinni heim úr vinnu. Hafði ekki áttað mig á því fyrr að í True Colors ber Cindy Lauper "r"-in fram einsog Elmer Fudd. High Comedy. Er þetta bara svona í þessu lagi, eða er þetta líka í öðrum lögunum hennar? Þetta eru hlutir sem maður þarf að vita.

every engineer on every train

2007-11-26T20:43:00.000+01:00

Gunni Litli var í heimsókn um helgina. Hann mætti með læri og brennivín. Okkur tókst (með naumindum) að forðast brennivínið, en lærið var tekið til kostanna í gær. Prófaði það með sinneps/hungangsgljáa. Fjandi gott.

Annars ánægjulegt að sjá að Golden State virðast hafa náð sér á strik eftir einkar ósanngjarnan ósigur gegn Boston Celtics. Hafa bankað hvern andstæðinginn á fætur öðrum eftir þann leik. Gott mál.

Að sama skapi ágætt að Arsenal haldi sínu striki. Sjö-níu-þrettán.

Finnland í síðustu viku, og það er fjandinn kaldara í Kaupmannahöfn heldur en þar. Brrr...Fórum í tívolíið á laugardagskvöld, og það var fjandakornið ekki hundi út sigandi í kuldann. Samt var nóg af fólki. Reyndar alltof mikið af fólki. Þvílíkt mannhaf. Hitti hóp af Króksurum á leiðinni þangað, sem var þrælfínt.

Good luck had just stung me

2007-11-16T23:15:00.000+01:00

Ég þakka fyrir allar afmæliskveðjurnar.

Ég þakka minna fyrir að minna mann á fylkjaupptalninguna. Algjör óþarfi að minna mann á svoleiðis.

You were caught in the crossfire

2007-11-13T20:17:00.000+01:00

Ég verð að segja að ég er tiltölulega rólegur yfir kosningunum hér í DK. Að auki verða ekki talin upp nein fylki í Bandaríkjunnum í kvöld.

Var á tveggja daga námskeiði í verkefnastjórnun í dag og í gær, og þvílík gleði að vera búinn með það. Eftir 5 daga námskeið síðustu viku er kominn tími á að vinna fyrir laununum sínum. Nema, að nú tekur við tveggja daga Team-Building, þannig að ég hef þrjá daga til að undirbúa Finnlandsferðina í næstu viku. Sweet. Ekki að það séu margir lausir endar, seisei, nei.

uuu....okei.

2007-11-05T11:55:00.000+01:00

Bú-hú....Cry me a river. Við hverju var annars að búast af fyrrum Bayern Munchen leikmanni?

Music men

2007-11-05T11:53:00.000+01:00

Ég er svo aldeils hissa. Júlli og Stebbi í Gröf að gefa út plötur?

A place where nobody dared to go

2007-11-04T13:54:00.000+01:00

Þá er komið að því að heimsækja vinabæ Sauðárkróks, Espoo. Verð þar á námskeiði næstu fimm daga. Býsna gott, nema fjandans kynningin á verkefninu sem ég á auðvitað eftir að gera. Ó well, það verður þá bara spurning um að endurlifa skólaárin og pulla all-nighterinn á þetta.

Arsenal og Júnæted spiluðu í gær. Það lá við að ég þyrfti að sjá eftir því að hafa hringt í Bjössa fyrir leik til að óska honum ólukku með sína menn. Jafnteflið skreið þó í hús, þannig að það slapp.

J-dagurinn var síðasta föstudag. Þetta var í fyrsta skiptið í nokkur ár sem ég tók ekki þá í þeim hátíðarhöldum. Enda ekki kannski gáfulegt að fara að synda í bjór nýstiginn úr flensu.

Það held ég nú.

Sweet

2007-10-23T22:08:00.000+02:00

Sextíu og þrjár mínútur liðnar af Arsenal - Slavia Prague og staðan 6 - 0 fyrir Arsenal.

Ég er þokkalega rólegur með að þeir hali þessu inn.

(....7, 9, 13.)

Worth it´s weight in gold

2007-10-11T19:09:00.000+02:00

Crowded House tónleikar í Amager Bio síðasta þriðjudag. Við Elín fórum með Bruno og Dittu.

Ég er búinn að vera mikill aðdáandi bandsins síðan Óli Arnar kom mér á sándið í Bókabúðinni c.a. '93. Þannig að mér fannst þetta ekkert sérstaklega leiðinlegt.

Amager Bio er býsna skemmtilegur tónleikasalur. Tekur u.þ.b. 1000 manns í stæði, þannig að þetta er frekar lítill staður. En það góða við salinn er hann er frekar breiður, þannig að maður er aldrei langt frá sviðinu.

Upphitunarbandið var hljómsveitin Cherry Ghost. Ég hafði satt að segja aldrei heyrt um það band fyrr en á þriðjudag. Ég verð þó að segja að þeirra hálftími kom gríðarsterkur inn. Ég gæti í það minnsta alveg hugsað mér að versla disk með þeim.

Á slaginu 21:10 gengu svo meðlimir Crowded House á svið, við mikinn fögnuð viðstaddra. Mér finnst alltaf hálf-súrt að fólk þekkji þá svotil engöngu af Don´t Dream its Over, en eins og einhversstaðar var skrifað, "'you know more Crowded House songs than you think you do".

Meðan ég beið eftir að komast úr salum endaði ég með lagalista-kvöldsins í höndum (ég held að róturunum hafi ég ekki þótt merkilegur aðdáandi: "ok, sure, I'll take it..."). Hér er listinn:

There Goes God
Locked Out
Transit Lounge
Walked Her Way Down
Fall at Your Feet
Whispers and Moans
Hole in the River
Silent House
When You Come
English Trees
Not the Girl/Italian
Mean to Me
Don´t Stop
Distant Sun
------------------------------------
Fingers of Love
Weather with You
------------------------------------
Seh Calledup/Evenchild
Better be Home Soon
Don´t Dream its Over

En, eins og Nick Seymour, bassaleikarinn benti á, þá var farið mjög frjálslega með listann. T.d. byrjuðu þeir á Happy Together sem fór svo útí In the year of 2525. Og auðvitað enduðu þeir Hole in the River á The Parting Glass. Súper. Einnig bættu þeir Private Universe á undan Mean to Me. Það er það sem maður man eftir. Eggsellent.

Hljómsveitin var áður fyrr þekkt fyrir ágætann húmor og fyrir að vera frekar afslappaðir á sviði. Það er ekki margt sem hefur breyst þar. En munurinn er hinsvegar á nú eru það svotil einungis Finn og Seymour sem gantast. Þar saknar maður Paul Hester.

Hins vegar: Fullt hús! (ó man, og ég fattaði ekki einu sinni djókið þegar ég skrifaði þetta. Gó figure...) Súper tónleikar. Bruno fær hins vegar mínusstig fyrir að leika japanskann túrista með símann sinn (þ.e. að reyna að taka upp allt sem fyrir ber, lifa í gegnum linsuna. Eða skjáinn á símanum).

Lag kvöldsins: Well.....Erfitt val. Segjum að lög kvöldsins hafi verið Fall at Your Feet og Whispers and Moans.

Dull, dull grey...

2007-10-09T15:50:00.000+02:00

Þetta gæti nú skýrt ýmislegt...

Crowded House í kvöld!!!

Buking a cake

2007-10-07T20:56:00.000+02:00

Ég var í Helskinki í síðustu viku. Eða reyndar Espoo, sem er svona Lyngby þeirra Helsinki-búa. Var þar á þessu líka ágætisnámskeiði í Six-Sigma-fræðum.

Á þessu námskeiði voru allra þjóða kvikindi, og stóðu viðkomandi sig prýðilega í að tala enskuna með þvílíkum hreim. Indverjarnir þrír voru auðvitað með klassíka indverska hreiminn á enskuna. Þjóðverjinn með þennan góða "vott-ar-jú-sinking-abát"-hreim. En Frakkinn átti bestu innkomuna. Maðurinn hefði þess vegna getað verið fyrirmyndin að Inspector Clouseau. Alveg súper.

Tune me into the wild side of life

2007-09-27T20:47:00.000+02:00

Sá Debatten á DR2 í kvöld. Reyndar bara endann á þættinum, en þar var meðal annars einhver fáviti frá Danske Folkeparti.

Eins og annar þáttakandi benti á, þá er þetta lið vaðandi uppi vælandi um talfrelsi, en í hvert skipti sem einhver segir eitthvað um að DF séu rasistar, þá er farið í mál.

Pathetic pakk.

No merci

2007-09-26T00:45:00.000+02:00

Ahahaha...Boss Nass, þjálfari Newcastle vælir eftir leikinn við Arsenal að það sé skömm að þeir hafi þurft að spila í dag. "Af hverju gátum við ekki spilað á morgun...?"

Cry me a F***ing river!

Sérstaklega þar sem sami gaur var vígreifur fyrir leik. Talandi um hvað hann hafi haft gott tak á Nöllunum meðan hann var með Bolton. My god, hvað sumir geta farið í taugar.

2-0. 'Nuff Said.

Across the universe

2007-09-23T23:43:00.000+02:00

Mikið andskoti er maður orðinn latur við skriftir.

Reyndar var ég viku í Finnlandi í upphafi mánaðarins, og þar kemur maður einhvern veginn aldrei neinu á netið. Fór svo heim á klakann í viku, og var tölvulaus að mestu. Slakar afsakanir svo sem, en skítt með það.

Ég náði að hitta óvenjumarga heima að þessu sinni. Býsna gott.

Arsenal á flugi, Green Bay á flugi. Nú bíður maður bara eftir að NBA byrji og Golden State komist á flug.

Call to Arms

2007-09-02T15:10:00.000+02:00

Er ekki kominn tími til að stoppa þessa Ungdomshús-bavíana??? Fólk er að verða frekar þreytt á þessu pakki.

http://ekstrabladet.dk/nyheder/samfund/article333344.ece

I feel VERY strongly about this!

Mean to me

2007-09-01T13:03:00.000+02:00

Tær snilld!

http://msninconcert.msn.com/music/crowdedhouse/en-gb/artist.aspx

Og ég er að fara á tónleika með þeim í október! Veisla!

Hvítir hrafnar

2007-08-26T19:30:00.000+02:00

Fór í golf í dag. Tókst að villast á leiðinni á völlinn, og tók mig þess vegna næstum 2 tíma að komast á staðinn. Náði þó að prófa kylfurnar sem ég keypti í Kína. Og að finna fljótlegri leið til á völlinn.

Finnlandstúr í þessari viku. Og aftur í næstu viku. Og svo Ísland föstudaginn 7. sept. Ágætt.

Gó dán in fleims

2007-08-14T19:08:00.000+02:00

Hananú....þar kom að því að maður nennti að uppfæra.

Síðan ég skrifaði síðast, þá var mikil samkoma hér í Köben, og ég skrapp í Kína.

Síðustu helgina í Júlí komu hingað Bjössi, Rúna, Kiddi, Unnur, Kristján, Helga Hrönn og Inga Rósa. Á fimmtudagskvöld kíktum við Bjössi, Kiddi, Stjáni, Unnur og Elín í sushi og Sams-bar, þá eitruðu blöndu. Mikið stuð. Fólk var svo að mæta á svæðið á föstudeginum, og það kvöldið smelltum við okkur í mat á Spiseloppen í Kristjaníu. Fólk var almennt sátt við matinn, og svo var stefnan tekin á Amager, þar sem stuðinu voru engin takmörk sett langt frammeftir morgni.

Á laugardeginum var svo tekinn upp þráðurinn, kíkt í drykki hjá Sossu, og svo var eldað. Frábært matur. En spilamennskan um kvöldið fór fyrir ofan garð og neðan.

Allt í allt, alveg frábær helgi. Skil ekki enn að þetta margt fólk hafi náðst saman. Nú er bara að toppa þetta á næsta ári.

Var svo í Beijing í síðustu viku. Fínn túr. Vinnan gekk svona ágætlega, og ég var þarna með fínu liði. Náði að kaupa mér Wii og golfsett. Geri aðrir betur.

En, mæ-ó-mæ, með mengunina þarna. Fyrstu tvo dagana var skyggnið innan við 500 metrar. Og bara útaf "smog". Ójbjakk....Eitthvað þyrfti ég að fá fyrir að búa þarna.

Lag dagsins: Jessie James með Cher.

Rain

2007-07-24T19:12:00.000+02:00

Fín síðasta helgi.

Hitti Hilmar á föstudagskvöldið og við sötruðum nokkra bjóra niðri í bæ. Keypti svo Harry Potter bókina og náði að lesa hana um helgina. Ágætis bók.

Við Elín fórum svo í mat til Péturs og Sjólaugar á laugardaginn. Eins og við mátti búast þá var það ekkert nema tær snilld. Bæði matur og félagsskapur.

Á sunnudagskvöldið komu svo Luka og Sho og Trond, Nicola og Roman í læri hér heima. Fínn matur og góð stemming.

Verðrið hér í Köben er aldeilis ekki til að fá mann til að hoppa á fætur á morgnana. Rigning og rok. Ojijijijij. Til að vega upp stemminguna er þó tilhugsunin um að það verður stuð um helgina. Veisla!!!

there's room at the top

2007-07-14T21:02:00.000+02:00

Ágætt að vera kominn heim aftur. Reyndar meira en ágætt eftir 12 daga í Kóreu.

Þetta var reyndar þvílíkt góð ferð. Fínt lið sem var með mér þarna úti. Sem var gott, þar sem ég hafði ekki ferðast með nema einum áður. Það var í það minnsta ekki skortur á aulahúmornum. Hið besta mál.

Ég slepp svo við að fara til Ungverjalands í þarnæstu viku, þannig að maður getur sett meiri orku í að undibúa komu gengisins til Köben. Súper!

Er eitthvað svalara en að tefla við páfann í 40.000 fetum með útsýni yfir Sayan-fjöllin? Flugvéla-salerni með gluggum: Gotta love it.

Elín er í Berlín um helgina, þannig að ég skellti mér í bíó. Sá Transformers í gær. Veit eiginlega ekki alveg hvað maður á að segja. Bráðfyndin, en væntanlega ekki með vilja. Kíktí svo á Harry Potter í dag. Svona alltílagi, en ég bíð nú eftir síðustu bókinni.

Ég hef verið að hlusta mikið á American Idiot með Green Day síðustu daga. Þvílíkur diskur.

Tumblin' Dice

2007-07-06T04:27:00.001+02:00

Sit nú í verksmiðjunni í Masan í Suður-Kóreu og keyri á hálfum krafti.

Við vorum búnir um áttaleytið í gær, sem er þokkalega vel sloppið. Þá drifum við okkur út að snæða. Nema, að þegar við vorum að væflast um og leyta að veitingastað rákumst við á Vice-Presidentinn í verksmiðjunni. Sá náungi er mikill höbbðingi, og fann handa okkur þennan líka fína stað. Kóreanskt barbeque, aldeilis fínt.

Við snæddum svo í rólegheitunum kjöt og drukkum nokkra bjóra. Ekkert of villt. En svo mætti VP-inn aftur á svæðið um það leitið er við vorum að klára. Og þá þurfti að skála. Og halda ræður. Og skála. Og skála. Og....

Var svosem kominn á Hótelið um miðnætti, en það er allmenn sátt um að það sé slæm flensa að ganga núna.

Travellin' Man

2007-07-02T03:01:00.000+02:00

Slétt 20 tíma ferðalag til Chongwon í Suður-Kóreu. Hressandi.

The direction of the eye

2007-06-27T20:58:00.000+02:00

Við Elín fórum á Pearl Jam tónleikana í Forum í gærkvöldi.

Ég haf aldrei verið einhver súper-fan, en þekki svosem slatta með bandinu, og finnst "10" vera einn af betri diskunum sem ég á.

Nema, að það var ekki laust við að þeir hafi rokkað! Maður lifandi! Spiluðu í næstum 2 og hálfann tíma. Lögin:

Long Road
Corduroy
Why Go Do
The Evolution
In Hiding
Love Boat Captain
Love Reign O'er Me
Severed Hand
Light Years Marker In The Sand
Given To Fly
Breath
I Am Mine
Elderly Woman Behind The Counter In A Small Town
Hard To Imagine
Life Wasted
Porch

No More
World Wide Suicide
Down
Once
Black
Alive

Better Man/Save it for Later
Rockin' In The Free World
Yellow Ledbetter

Hápunktarnir voru án efa Black/Alive og svo Rockin' in the Free World.

Tær snilld.

St.Hans

2007-06-24T00:43:00.001+02:00

Aldrei þessu vant var vömbin kýld vel og vandlega í kvöld.

Sterk rækjusúpa, með hvítlauk, engifer, sítrónugrasi, læmblöðum og ég veit ekki hverju, í forrétt. Kjúklingur með cashewhnetum í aðalrétt, og núðlur on-the-side.

Ágætt.

Hvað er annars með skort á svefnfriði hér? Fyrst var það fjandans fuglinn sem hélt ekki kjafti í tvo tíma eina nóttina. Meiriháttar skemmtilegt. Heppinn sá að ég átti ekki haglara.

Og svo í morgunsárið, þá var haugur af fólki í einhverri nágrannaíbúðinni sem ákvað að syngja daginni inn. Og þvílíkt lagaval. Ég vaknaði upp við Kim Larsen, náði að sofna og vaknaði svo aftur upp við eitthvert fjandans HippHopp. Urrrrrrr!!!!!!!!

Ofnotaði frasi dagsins er "At the end of the day...". Ye gods....

Blizzard of Ozz

2007-06-12T21:26:00.000+02:00

Fjandi heitt í dag. Fínt að vera inni í þessum hita, og sleppa við að brenna.

Ozzy á morgun. Ég er að verða býsna spenntur fyrir þessum tónleikum. Reyndi meira að segja áðan við nokkur lögin á gítarinn. Það gekk auðvitað aðallega illa, en skítt með það.

Síðan liggur fyrir sumarhátíð Nokia á föstudaginn, og 17. júní hátíðarhöld á laugardaginn.

Jamm, það verður fína heilsan þessa helgina. Damn!

Walking on sunshine

2007-06-08T17:38:00.000+02:00

Ó je...

27 stiga hiti á morgun.

Upp með sólarvörnina!

No bone movies

2007-06-07T22:19:00.000+02:00

Ha-ha!

Ozzy Osbourne miðinn kominn í hús. Nú er bara að kallinn taki ekki uppá að skella sér á fjórhjól aftur, eins og síðast þegar hann ætlaði að vera með tónleika hér.

Það er að verða komið sumar hér.

Ferðalög

2007-06-05T18:40:00.000+02:00

Það er greinilega fullt eftir.

Bækur

2007-06-04T22:06:00.000+02:00

Lestur.

Virkilega góð skemmtun. Og stundum lærir maður meira að segja eitthvað.

Reyndar verð ég að segja að eftir að ég fór að lesa Terry Pratchett þá er það kannski meira til skemmtunar. En á móti, þá var maður auðvitað svo duglegur að lesa sér til gagns á námsárunum.

Ég las Monstrous Regiment um daginn. Veit ekki hvort það er bara ég, en mér fannst býsna góð skilaboð í þeirri bók. Um jafnrétti kynjanna, meðal annars.

Þar á eftir kom bók eftir Mark Thomas, sem ku vera breskur spaugari. Sem er reyndar undarlegt, þar sem bókin var alls ekkert aðhlátursefni. Bókin heitir As Used on the Famous Nelson Mandela , og fjallar um alþjóðlega vopnasölu. Ágætislesning, en að sumu leyti merkileg umfjöllun á þessu grafalvarlega efni.

Þessi bók varð að umtalsefni í matartímanum í dag. Um það hvernig maður getur unnið við að hanna þessi drápsapparöt. "Og hvernig var dagurinn þinn í dag, elskan?" , "Jú, ég hannaði meiriháttar Anti-Personal Jarðsprengju, en hvað gerðir þú í dag?" Og það furðulegasta við þennan bransa er, að þar vinna margir af mestu hugvitsmönnunum í tæknifögunum. Alveg svekkjandi.

Annars er svo listinn yfir næstu bækur svona:

Cosa Nostra: A History of the Sicilian Mafia.

Moscow 1941: A City and Its People at War.

Mao: The Unknown Story.

Það má mikið vera ef ég kemst í gegnum þessar áður en síðasta Harry Potter bókin kemur út. En, það er ljóst að öllu verður droppað fyrir þá bók.

Þar á eftir koma svo

Freakonomics og Notes from a Big Country.

Úff...Eins gott að veðrið verði til friðs og þannig.

Don´t stand so close to me

2007-06-03T21:00:00.000+02:00

Friggi, Brynja og Haraldur Jón kíktu í mat á fimmtudaginn. Alveg hreint ágætt. Við frændurnir röltum á Nörrebros Brygghus til að hafa eitthvað til að skola matnum niður með. Það virkaði ágætlega. Og takk fyrir súkkúlaðið.

Það er komin ákveðin bóka-pressa. Eins og gerist stundum þegar maður kemur til London. Við Elín keyptum saman 10 bækur. Þannig að það er aðeins að safnast upp lesefnið. Vont mál, þar sem síðasta Harry Potter er að koma út í næsta mánuði.

Það er magnað ef satt er að Stewart Copeland, trommari Police, hafi dissað bandið eftir fyrstu tónleika sveitarinnar. Eins og kunnugir muna e.t.v., þá var víst frekar stirt sambandið milli þeirra félaga. Spurning hvort að það sé orðið svo mikið halelúja að svona sé í lagi núna?

Hjómur dagins er Dmaj7.

Around here

2007-05-30T16:53:00.000+02:00

Meðan ég man:

Það verður ekki tekið af Bretunum að þeir elska hringtorg. Mein Gott!

That's all.

London, Baby!

2007-05-29T13:18:00.000+02:00

Síðasti dagurinn í Englandi runninn upp. Erum búin að vera í góðu yfirlæti hjá Gunnu og Eyjó í Norður-London. Kíktum í bæinn á fimmtudaginn og röltum framm og tilbaka um miðbæinn. Sáum Big Ben, Trafalgar Square, Covent Gardens og margt fleira.

Á föstudaginn var svo stefnan tekin á Hastings, þar sem brúðkaup Laurie og Jamie fór fram á laugardeginum. Við hittum fullt af fólki á föstudeginum sem var með Elínu í skólanum í Roskilde. Og náðum að fá okkur öl (eða tvo) með þeim.

Við vorum þetta líka fáránlega heppin með gistingu í Hastings. Elín pantaði á netinu gistingu á einhverjum Bed&Brekfast, og við vorum þetta líka heppin. Útsýni yfir Ermasundið og gestgjafarnir þvílíkt almennilegir. Vorum í það minnast heppnari með gistingu en sumir aðrir brúðkaupsgestirnir.

Brúðkaupið var svo í alla staði hin besta skemmtun. Presturinn alveg hreint stórskrýtinn. Og veislan góð. Sérstaklega miðað við hversu fáa ég þekkti.

Annars var maður kominn snemma í bælið, þar sem ég þurfti að keyra í London á sunnudeginum. Ég verð nú að segja að ég er ekkert mega-spenntur yfir umferðinni hér. Bæði er viðbjóðslega mikil umferð hér í London, og svo er þetta vinstri handar-stöff ekki alveg að rokka. Það hefur hins vegar gengið áfallalaust hingað til, 7-9-13 (þó að það hafi munað litlu einu sinni), og vonandi gengur aksturinn á Stansted vel.

Lag dagsins: London Calling með The Clash. Nauðsynlegt.

Nescafé, það er kaffið.

2007-05-21T21:22:00.001+02:00

Fjandans vesen að hafa verið með einhverjar meiningar um frekari ferðasögu frá Kóreu. Veit svei mér ekki hvort ég nenni að vera að rifja þetta upp. Spurning um nokkur athugasemda-korn í staðinn:

Mun betra flug til Kína núna en í fyrra. Í þetta skiptið náði ég að sofa aðeins. Mun betra.
Ég get varla hugsað mér súrari flugvöll til að millilenda á en í Beijing. Flugvöllurinn er ekkert sérstaklega spennandi, og Kínverjarnir eru alveg ferlegir með passa-kontrólið. Meira að segja fyrir þá sem millilenda.
Kórea er mikið fjallaland.
Ég held að það verði heitt þarna í lok júní. Úff...
Hvað er með vískí-áhugann þarna? Maður var eins og sauður á pöbbunum með öl. Það voru allir með viskí.
Á þessum pöbbum voru einnig undantekningalaust húsbönd. Bönd þessi voru öll frá Filippseyjunum, og voru flest býsna vel spilandi. Hávaðinn var þó alveg með ólíkindum. Þó að það væru örfáar hræður að reyna að spjalla saman, þá spiluðu böndin á fullu trukki. Óþarfi að leyfa fólki að komast um með að spjalla saman.
Bjórsnakkið finnst mér betra í Evrópu. Kýs frekar popp eða hnetur frekar en þurkaðan kolkrabba.
Það er ómögulegt að kaupa ferðatösku fyrir klukkan 9 á morgnana.
Sem þýddi að ég þurfti að fórna minni tösku undir símana sem ég þurfti að ferja til Köben.
Mér líkar við Tokyo. Væri meira en til í að stoppa aðeins meira þar. Spurning um að fljúga í gegnum Tokyo í næsta mánuði aðra leiðina og stoppa svo í Beijing á hinni leiðinni. Svona til að ná að versla aðeins.
Sushi í Tokyo. Jess.
Eftir ellefu tíma flug er fátt súrara en vera stopp í tollinum í tvo tíma. Urrr.
Ég á enn eftir að henda slatta af myndum úr ferðinni inn. Hefst vonandi.

Stefnan er svo tekin á London á miðvikudag. Og Hastings á föstudag, þar sem við erum að fara í brúðkaup á laugardaginn. Veisla!

Æ vonss hedd a görrl

2007-05-19T01:14:00.000+02:00

Ég sé frammá að almennilegur pistill um Asíu-ferðina mína verður líklega ekki að veruleika. En hverjum er ekki sama?

Ég tók mig samt til og setti slatta af myndum inná myndasíðuna mína. Svona hinar og þessar myndir sem teknar eru síðasta árið. Fínt að koma þeim inn á vefinn. En ég viðurkenni að ég á eftir að henda fullt af myndum frá Kóreu-túrnum inn. Þetta kemur allt með kalda vatninu.

Við Elín hjóluðum til Snjólaugar og Péturs í kvöld og vorum þar í mat. Alveg eðal-kvöld. Og ballet-dæmið hjá Jakob var auðvitað hrein snilld.

Við sjáum til hvort að mér tekst að kommenta eitthvað af myndunum....Best að lofa sem minnstu.

Lag dagsins: Moonlight Shadow, ágætis eitíspopp.

I've got wheels of solid steel

2007-05-09T18:12:00.000+02:00

Hananú!

Þá er 10 daga dvöl í Kóreu senn á enda. Ætlunin var að fljúga til Beijing í fyrramálið, og svo heim. Það verður svo ekki. Í staðinn er stefnan tekin á Tokyo, þar sem ég verð í eina nótt og svo heim á föstudaginn. Eins og daninn segir, þá er maður "firmaets mand".

Annars er þetta búin að vera fín ferð. Súper veður. Maturinn miklu minna skerí en ég hafði átt von á. Reyndar er alveg hræðilegt að vera að borða þvílkt góðann mat en geta vart notið þess út af því að maður situr á hækjum sér.

Ég og Lars vinnufélagi minn gerðum ágæta ferð til Seoul um helgina. Þar sýndum við og sönnuðum að skipulagning er stórlega ofmetinn faktor. Við náðum að þvælast fram og til baka um þessa stórborg vandræðalaust og skemmtum okkur hið besta. Enda "Ze Djörman Kóstgard" brandararnir venjulega skammt undan.

Við brugðum okkur á Stríðsminjasafnið í Seoul. Þar voru hinar ýmsustu drápsvélar, og minnismerki um afrek þeirra. Að mörgu leiti undarlegt safn að koma á. En auðvitað töluvert önnur saga sem Kóreumenn búa við en Íslendingar.

Á sunnudaginn brugðum við okkur upp að landamærum Norðurs og Suðurs. Hinu svokallaðaða DMZ . Og ef það var merkilegt að koma á stríðsminjasafnið, þá var þetta útúr kortinu.

Stórfenglega súrrelalískt að rölta ofan í göng sem grafin voru til að gera innrás í nágrannaríkið. Eða að horfa yfir landamærin á "stærstu flaggstöng í heimi". Út af því að um það kepptust nágrannarnir víst lengi vel. Mein Gott. Ég hefði alla vega alls ekki vilja missa af þessari ferð. Frábær upplifun. Og ég mun henda inn myndum þegar ég kem heim.

Steff Houlberg í Kóreu!

"Way Out, man..."

Ég lét pússa skónna mína. Fleiri myndir eiga eftir að fylgja. Be warned...

Síðasta Lest til Norður-Kóreu.

Hmmm...

2007-04-30T12:55:00.000+02:00

Lovlí.

Félagi minn sem átti að verða mér samferða til Kóreu kemst ekki með. Þannig að ég fer einn þangað. Hitti reyndar aðra félaga mína þar úti. Sem betur fer. Ekki nenni ég að vera einn þarna í 10 daga.

Það held ég nú.

Who owns that spell?

2007-04-22T17:01:00.000+02:00

Lisa Germano með tónleika á Loppen í kvöld. Held að ég skelli mér.

Drinking from a Broken Cup

2007-04-22T00:22:00.000+02:00

Þessa dagana labba ég vanalega heim úr vinnu. Allavega þá daga sem ég hjóla ekki. Ágætt að fá smá hreyfingu eftir hafa einungis labbað 17 sinnum að kaffivélinni og til baka allann daginn.

Á leiðinni úr vinnunni geng ég framhjá tveimur torgum sem eru ekkert sérstaklega upplífgandi. Núna þegar veðrið er að batna, þá er með ólíkindum hversu margt fólk sem er verulega ölvað er að sjá á þessum stöðum. Að sjá fólk sofandi á götunni um miðjan dag (og reyndar svosem hvenær sem er) er undarlegt. Ég hef ekki alveg annað orð yfir það.

Matur kvöldsins: Satay með jarðhnetusósu og þorskur gufusoðinn í bananablöðum. Nokkuð sáttur við útkomuna.

Bassalína dagsins: 5th Season með Paul Weller.

Ágætt.

"Talk to me, Goose!"

2007-04-13T23:27:00.000+02:00

Sit hér og horfi á Ronin með öðru og Celtic-Sixer með hinu. Fannst Ronin frekar slök í bíó á sínum tíma, en hún er svosem mátuleg fyrir annað augað á föstudagskveldi.

(Bæ ðe vei, Celtic-Sixers; Bird vs. Dr. J it ain't...ó, mæ.)

Mér varð það ljóst rétt í þessu, að líklega verð ég í Suður-Kóreu þegar Pearl Jam tónleikarinir (sem ég á miða á) verða hér í Köben. Það er mér meinhægt að segja, að ég er ekki alveg sérstaklega ánægður með þessa þróun mála.

En ef ég kemst á Ozzy þann 13 júní, þá er ég sáttur.

Í tilefni þess eru lög dagsins Garden með Pearl Jam og Bark at the Moon með Ozzy. Eggsellent!

Droppin' dimes

2007-04-11T19:32:00.000+02:00

Hvað er með dálkahöfunda á netinu sem sí og æ tala um sjálfa sig í fleirtölu?

"Við erum þeirrar skoðunnar, ....."

Æi, kommon. Okkur finnst þetta hálf-hallærislegt. Svona eins og að láta skína í að fleiri séu á sömu skoðun og höfundurinn.

Júnæted 7, Róma 1. Ææjæjæ. Greyið Ítalarnir. Þvílík yfirspilun. Þeir verða víst að eiga það, að þeir spiluðu ágætlega, piltarnir.

the wind was with you

2007-04-09T14:16:00.000+02:00

Fína vorveðrið hér. Rigning og fínerí. Búið að vera þvílíka letilífið um páskana.

Merkilegar fréttir í Ingeniøren þessa dagana. Fyrst frétt um að ameríkanar séu komnir með málningu sem blokkerar radíóbylgjur. Það er eitthvað sem segir mér að hún sé ekkert eitruð sú. Sei,sei nei.

Svo rakst ég á að einhverjir herramenn hafa tekið sig til og stolið aðal-tölvunni á DTU. Það finnst mér nú óttaleg leiðindi.

Ég er ekki ánægður með að missa af fyrsta aðalfundi SUÚ í 10 eða 12 ár.

Electric beduin drum

2007-04-06T01:40:00.000+02:00

Ég held að ég hafi ekki eytt jafn miklum tíma í að rúlla í gegnum hin og þessi blogg eins og í kvöld. Alltaf gaman að því að nördast við tölvuna. Nema, að það að lesa blogg er ekki beint að nördast. Nei, að nördast er að setjast með stóra kaffikönnu, 3 eintök af Antennas and Propagation Journal og tölvuna klára í að reikna í tvo sólahringa, ef maður finnur eitthvað af viti til að setja í hana. But I digress...

Með bloggið, það er fyndið þegar maður fer á flakk. Þ.e., manni dettur ólíklegasta fólk í hug og athugar hvort maður finnur það á netinu. Og oft er það staðreynd. Það getur oft orðið afar áhugavert.

Mér finnst þetta ágætis tímapunktur til að kvarta yfir annars ágætri tölvunni minni. "K"-ið er ekki alveg að virka sem skildi. Þessa dagana þarf ég að þrýsta 2-3 sinnum á "k"-ið áður en það skilar sér á skjáinn. Mér finnst þetta frekar hvimleitt.

Tveir hlekkir:

Misgamlar körfuboltamynir. Tær snilld : http://www.kki.is/myndasafn.asp

Bill Simmons. Nú les ég líklega mun meira um sport en hollt getur talist. Ég verð þó að segja að það hefur farið minnkandi eftir að ég hætti í skóla og fór að vinna. Þessi er samt skyldulesning. Hann og Kalli Jóns hafa sama uppáhaldslið. http://sports.espn.go.com/espn/page2/simmons/index

Lag dagsins er tvímælalaust Rock the Casbah með Clash. Ekki vænlegt til vinsælda í karokí samt.